Wiecker Tribbenaol

Duo X-Elle gedagvaard!

Duo X-Elle gedagvaard!

Posted on

Vendaog, de negen- en twinstigste vaan de maond oktober twiedoezend en zestien, ten verzeuke vaan ’t Wiecker Tribbenaol, gevestig te Wieck/Mestreech,

höb iech

opgerope:

Dorry Satijn en Marie-Ange Castermans te same handelend oonder de artiestenaom DUO X-elle,  

um:

op zoondag de twintigste vaan de maond november 2016, in de naomiddag um twie oor, in persoen te versjen ropeeechen zijne ter zitting vaan ’t Wiecker Tribbenaol, rechsprekend en daan aldaor te hawwe, in ‘t Gerechsgebouw vaan ’t Wiecker Tribbenaol aon de Green (wat ouch is de Maastricht Music Hall en/of de Platte Zaol),

mèt de aonzègking:

Gezeen zwoerwaogende arguminte, nao deepgaond oonderzeuk verkrege in ’t sirkwie vaan woerhede, haaf woerhede, roddel, achterklap en filoeperij zuut ’t Wiecker Tribbenaol ziech verpliech um DUO X-elle op te rope ter zitting,

teneinde:

Tot de duipseele kinne weure geliech en aon hun de gelegenheid kin weure gegeve um in ’t openbaar te verklaore wie ’t zoewiet is kinne koume.

umtrent de feite:

tot ’n aonklach vaan leefs zès punte veurligk, te wete

  1. Grove verwaarlozing vaan hoes en haard boebeij de volleksgezoondheid gesjaoid kin weure.
  2. ’t op ’n slinkse meneer handele bij zake roond voetbalwedstrijde in de Geusselt en daobeij ’t    verdach besteit tot spraoke is vaan “Matchfixing”.
  3. ’t op oongepaste meneer vertoene van suggestieve dansbewegingen en daobeij misbruuk make vaan mentaal en fysiek zwake börgers’.
  4. ’t misbruuk make vaan en daodoor opdrieve vaan zörregkoste mie in het bizunder ’t aonzètte tot en promote vaan ‘ne oongezoonde leefstijl.
  5. ’t zoedaoneg verriechte daan wel naolaote vaan moezjikale en aander handelinge mèt ’t ougmèrrek ’t verkwansele vaan us Limburgs errefgood.
  6. ’t vertoene van gedraginge die in ’t normaal betamelik minselik verkier weure geclassificeerd es dierenmishandeling, in ’t bizunder heij vaan twie peerd.

zoetot

’t Hof vaan ’t Tribbenaol d’rop zal towzien tot de ketel flink gesjoord weurt en tot op ’n passende meneer rech getrokke weurt wat kroomp is gebleke, boebijj ’t Volk vaan Mestreech, en Wieck in ’t bizunder, door aofkäörende daan wel vaan adhesie getuigende utinge zal aongeve wat woer en neet woer liekent.

teves

höb iech, gerechsdeurwaarder, op d’n datum veurmeld, ten verzeuke vaan ’t Wiecker Tribbenaol, aon gedaagde aongezag:

  1. tot verzèt tege deze oproop geine zin heet en zoonder nut is.
  2. es de opgeropene dat toch meint te mote plege de rechterlikke mach häöm of häör zal piezele;

De koste vaan dit exploit zien voor miech, gerechsdeurwaarder veurnump, ’t wèttelik vasgelag bedraag veur pro deo zake.

Is geteikend:

Arthur Spaargaren,

Gerechsdeurwaarder

 

Geef een reactie