Wiecker Tribbenaol

Nuij informasie Duo X-elle gedaagden 2016 Wiecker Tribbenaol

Nuij informasie Duo X-elle gedaagden 2016 Wiecker Tribbenaol

Posted on

Zoe vlak veur de zomervakanties is vaanoet ut Wiecker Tribbenaol weer get nuij informasie vrijgekoume euver de gedaagden 2016, Duo X-elle. Oet betrouwbare bron is vernome tot ’t openbaar ministerie zien oonderzeukspijle ouch heet geriech op bekinde Nederlanders van teevee, beuk, video’s etc. en die op de ein of aander meneer get te make höbbe met mevr. Satijn en mevrouw Castermans.

Weijer weurd gefluusterd tot kolleega-artieste höbbe aongebooije um es getuige a décharge te wèlle optreije op zoondeg 20 november 2016 in de vernuijde Platte Zaol aon de Greend. De avvekaote zien dao neet ech rouwig um.

Bizunder is de link mèt de Reuzenstoet boe sjijns ouch de dierebesjerming ziech heet gemeld met aonklachte. En eine vaan us aaijd MVV-ers had al get las vaan senewees wie heer hoort tot ’t OM ouch in Geusselt is langs gewees met lèstige vraoge.

‘t OM is evels, zoe wie gewoenlik neet bereikbaar veur ’n reaksie, te drök, te naat, te wèrrem, te vreug is ’t obligate antwoord.

Enfin, me kin ‘t allemaol goon hure en zien op zoondeg 20 november 2016 vaanaof 14.00 oor in de Platte Zaol op de Greend.

Geef een reactie